sony ericsson idou

سوني اريجسون تطلق هاتفها ايدو الرهيب الذي يمتلك كاميرا ب 12 ميجا بيكسل مع شاشة لمس عريضة والذي يجعلة يمتلك قدرات رهيبة في التصوير.ويعمل بنظام Symbian S60 .وتهدف الشركة من خلال هذا الهاتف المنافسة بقوة في سوق هواتف الترفيه مثل iPhone من أبل وOmnia من سامسونع وإكسبريس ميوزيك Xpress Music 5800 من نوكيا.

كاميرا الهاتف 12.1 ميجابيكسل (4256 × 2832 بيكسل) مع أوتوفوكس و فلاش زينون و تصوير فيديو بفلاش LED بالإضافة إلى كاميرا أمامية بدقة VGA للمكالمات المرئية، كما أن الجهاز يحتوي على خاصية فريدة في التصوير حيث يحدد المستخدم الهدف الذي يريد تصويره بواسطة لمس الهدف الظاهر في الشاشة ليحصل المستخدم على صورة أفضل لذلك الهدف.يبلغ طوله 111 مليمتراً و عرضه 54 مليمتراً و إرتفاعه 15 مليمتراً و مجهّز بحسّاس حركة و شاشة 3.5 إنش TFT قابلة للمس تدعم 16 مليون لون بدقة 360 × 640 بيكسل.الجهاز مُدعّم بنظام GPS مع وجود خصائص اخرى مثل وجود البلوتوث وWi-Fi وغيرها.

كلمة شاب تركى للجنود المصريين

الى كل انسان له قلب

الى كل أنسان له مشاعر وأحاسيس

الى كل أنسان حر وتذوق طعم الحرية

لقد فعل وقال هذا الشاب ما لم يقدر على فعله أو قوله الكثير منا

كلام مؤثر جدااااا يجعلك تبكى على شيئين :

أولا : غزة المحصارة التى لم نفعل لها شيئاً

ثانيا : انك لم تكون هذا الشاب أو حتى مثله

BMW

B M W

BMW

من اروع السيارات على مستوى العالم

ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ازاى ترخم على " مراتك "

بمناسبة يوم الرخامه العالمى هكتبلكم تانى موضوع عن الرخامه بس المره دى مش على صحابك لالالالالا خالــــــــــــــص .

المرده دى على حد اغلى عندك شويه واحب حد ليك بيبقا نفسك ترخم عليه بس مش عارف وهى طبعا " مراتك " ويا سلام بقاااا لو حماتك كمان عايشه معاكم وبتقوم بالمهام الزوجية كماساعده لبنتها يبقا يا معلم جتلك على طبق من دهب وتضرب عصفورين بحجر واحد وتنتقم من الاتنين انت بقا هتقلى ازاى اقلك ازاى علشان امرك يهمنى ....... هههه ههه ههه ... انا فى الأذيه مؤذى ..... هههه ههه ههه ............................

الصبح وانت رايح على شغلك وهى نايمة

تعمد اسقاط اى شيئ او خبط الباب بصوت

عالى علشان تصحيها هى كمان ..

اشمعنى انت ؟

ولو حاولت ترجع تنام تانى

قول لها مادام صحيتى حضري

الفطار بقى

ـــــــــــــــــــــــــــــــــــــــــــــــــــــــــــــــــــ

اذا كنت بتتفرج على التلفزيون وهى

عايزة تغير القناة .. و انت كنت بتتفرج

على ماتش كورة كل ما حد من اللاعبين من

اى فريق يمسك الكورة قول بحماس شديد .. معلش

ثوانى بقى انا حاسس ان الكورة دى جون

حتى لو كان حارس المرمى ماسك الكورة

وحتي لو الماتش واقف عشان فى واحد

مصاب

( ملاحظة : اغلب النساء ذوات ثقافة كروية ضعيفة )

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

إصح يوم الجمعة بهمة ونشاط وجهز الافطار

لزوجتك بس متنساش انك تستخدم 15 طبق

واكبر كمية من الملاعق والشوك و 5 حلل من

اللى عندكم فى المطبخ و 10 كوبايات

لاعداد طبق بيض وسندوتش

جبنة

طبعا يراعى ترك اثار سمنة على الارض مع

ترك الثلاجة مفتوحة وقشر البيض فى

الحوض ...

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لو عاملة ريجيم إجرى على السوبر

ماركت ومحلات الحلويات وإملأ الثلاجة

شكولاتة وحلويات وجاتوهات .. يراعى

التجول وأنت مستمتع بأكل الجاتوة أمامها

وحاول تكلمها في اي موضوع وانت جنبها وقول انا عمري ما دوقت حلويات بالطعامه دي

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ولو مراتك عملة كيكة، قولها انا بحب

اشرب شاى مع البسكويت الحلو ده

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لو طلبت منك تنشر الهدوم قول لها حاضر

مع ابتسامة حانية وبعد ما تخلص نشر

الهدوم ادخل عليها وقول لها أنا نازل

اجيب الهدوم اللى وقعت منى فى الشارع

ولو سألتك هو اية اللى وقع ؟ اذكر لها كل

هدومها اللى كانت مغسولة مع فردة

شراب من بتوعك

علشان متبقاش مقصودة منك !

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لو الزوجة قررت مسح الارضيات فى البيت

حاول انك تروح وتيجى على المناطق

المبلولة متحجج بأنك محتاج تتصل ضرورى

بواحد صحبك

ومرة عطشان ومرة تانية بتجيب الجرنال

ومفيش مانع انك تقول انك حاسس ان

التليفون هيرن كمان شويه

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لو كانت مشغولة فى نظافة البيت او مع

الاولاد وطلبت منك تغسل كوبايتين الشاى

بتوع الصبح الموجودين فى الحوض إرجعلها

كمان دقيقة من دخولك المطبخ وانت ماسك

كوباية من الاتنين وهى مكسورة

واسألها فى براءة ارمى دى

فين ؟؟

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وانت قاعد تتفرج على التلفزيون وهى

طالع عينها فى تنظيف البيت وبعد ما

تخلص وتيجى يدوبكك تقعد تستريح جنبك

بصلها وقول لها حبيبتى معلش ممكن كوباية

مية علشان ضهرى بيوجعنى

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وبكدااااااااااااااا يا معلم اكون نكدة عليك عشتك وطلاق يكون على ايدى

انا فى الأذيه مؤذى .......... هههه هههه هههههه

اكتب تعليق بدل ما اكتلها واشقك

ازاى ترخم على صحابك ؟

عايز ترخم على صحابك رخامه بالصور ولا رخامه بالكلام ؟؟؟؟؟؟؟؟؟؟؟؟ الاتنين موجودين ......

اولا :  رخامه بالصور :

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ثانيا : رخامه بالكلام :

لو خارج مع صحبك مشوار أو بتروحوا حتة معينة كلية أو مدرسة أو أى حاجة

أتصل بيه قوله إوعى تنزل غير لما أفوت عليك وطبعا هو مش هيشوف وشك

يرن عليك نفض يتصل بيك نفض سيبه لحد مايطق وينزل لوحده


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
طبعا أنت عارف الأوقات اللى بينام فيها ولو من النوع اللى بينام بعد الكلية كلمه على تليفون البيت
وقول للى يرد عليك يصحوه ضرورى وهما احتمال كبير مش هيكونوا سايبلنه عدة تليفون فى أوضته
عشان طبعا ميقعدش يحب بيه طول الليل فا هيضطر يمشى لحد الصالة أقعد أرغى معاه ورذل عليه


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


واحد هيقولى طب أرذل عليه ازاى طب خلاص متزعلش أعلمك يعنى مثلا تقوله خبر يزعله جدا
حاجة حلوة تصدمة كده وتخليه بدل ماكان عايز ينام عينيه هتطلع من مكانها وفى الاخر قوله بهزر
المهم أفضل أستفزه لحد ماتطير النوم من عينه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


لو صحبك بيتكلم فى التليفون حاطط السماعة على ودن وأستلم أنت بقى الودن التانية الفاضية
خليه يحس إنه واقف فى مولد مش عارف الكلام جى منين بالظبط


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


دبس صحبك فى كل حاجة مثلا فى مواصلات أو فى كافيه أو فى سينما
أدخل سنترال إتكلم وقوله معاك فكة أصل معييش غير مجمد قال يعنى معاك ورقة بمليون جنيه
أو قوله نسيت المحفظة فى البيت أو الفلوس ضاعت ولا إتسرقت أو متخانق مع باباك ومدكش فلوس
خليه مش فاضل غير بعد كده ياخد مصروف ليه وليك


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لو صحبك رايح أى مشوار هيقابل حبيبته مثلا وقالك لو حد من بيتنا أتصل بيك قوله إحنا بنذاكر
وأول ما حد يتصل قولهم لا والله هو تحت مش عندى وقوله يعنى أنت عايزنى أكدب
قال يعنى الإيمان مقطع بعضه وصادق فى كله جت على دى


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


لو لسه مخلصين إمتحانات الشهر فى المدرسة أو إمتحانات الميد تيرم فى الكلية ودرجات صحبك وحشة
قوله أنا لازم أجى أذاكر معاك النهارده وطبعا هتشوف باباه ولا مامته وهيسألوك عن المذاكرة وكده
قولها والله إحنا بنذاكر بس مش عارف هو جاب درجات وحشة وسيحله بقى خليهم يستلموه
ويكبسوا على نفسه طول السنة


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


ياسلام لو اتأخرتوا 5 دقايق كده عن المحاضرة والدكتور قال مش مدخل حد بعدى وطردكوا
يبقى لازم تروح بيته وتشتكى لباباه ومامته وتعمل برئ ومظلوم دانتوا يادوب اتأخرتوا خمس قايق بس
هتخليهم يخلوه يروح يفتح الكلية بنفسه من الساعة ستة الصبح عشان ميتأخرش عن المحاضرة


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


خارج أنت من البيت بقى وبتستأذن باباه أو مامته بيقولوك ماتخليك ياحبيبى تتغدى معانا قولهم شكرا
صحيح يابنى أنت عملت شيت مادة كذا وطبعا أنت متأكد إنه لا عمله ولا جه ناحيته
الباشا بقى فى نص هدومه وهيرد باباه ولا مامته لا طبعا ويعمل ليه هو فاضى للحاجات دى
والأهل مش بيتفاهموا فى حكاية الدراسة دى بالذات يعنى أقلبها نكد على صحبك قبل ماتمشى


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


خد موبايل صحبك من غير مايحس وخبيه وخليه يفتكر إن الموبايل ضاع ولا إتسرق لحد مايجيب آخره
لو هو مفتح شوية وواخد باله يبقى على نفسه برضه قوله ورينى الموبايل بتاعك كده وفى وسط القعدة
استأذن مثلا هتجيب حاجة ولا هتعمل حاجة وخده وروح وخليه يدوخ عليك فى المكان ويتصل بيك مليون مرة
لحد مايجى ياخده منك من البيت وياسلام لو مفاتيح عربيته يبقى يجى بتاكسى ويرجع بتاكسى بعدين يبقى يروح بعربيته
امال هو يعنى يركب عربية وسواقين التاكسى ياكلوا عيش منين


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


لو شوفته واقف مع واحدة طب عليه زى القضى المستعجل وخده بالحضن ودخل نفسك فى الكلام وخلاص
ولو فاكر موقف محرج كده عن صاحبك ده مفيش مانع تقوله قدامها يعنى مثلا لو صحبك ده حاول
قبل كده يتكلم مع بنت وأحرجته قوله يا أخى كل ما أشوفك واقف مع بنت زى دلوقتى كده
أفتكر البنت اللى قالتلك لم نفسك ياروح أمك طبعا هو هيبقى واقف بيقول يا أرض إتشقى وأبلعينى


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


وبكدا تكون عرفت ازاى تخلى حياة صحبك نكد فى نكد
بس على فكره انا مش مسئول لو صحبك طلب منك انه مش عايز يعرفك تانى .


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


واخيرا يا رب يكون الموضوع عجبكم واتمنى مشاركتكم بالتعليقات